Արդարադատության նախարարի տեղակալ Լևոն Բալյանը մասնակցել է Եվրոպայի խորհրդի կողմից իրականացվող «Քրեական արդարադատության համակարգում վերականգնման արդյունավետ մոտեցումների ուսումնասիրում. միջազգային պատկերացումներ» թեմայով բարձրաստիճան համաժողովին։

Համաժողովի նպատակն է ներկայացնել վերականգնողական նորարարական ծրագրերը և Եվրոպայի խորհրդի անդամ երկրների լավագույն փորձը, խթանել գիտելիքների փոխանակումը տարբեր շահագրգիռ կողմերի միջև և ապահովել ծրագրերի արդյունավետ մոնիթորինգ ու գնահատում:

Լևոն Բալյանը բարձր է գնահատել Եվրոպայի Խորհրդի գործընկերների հետ համագործակցությունը՝ ընդգծելով ազգային պատկերացումների և միջազգային լավագույն փորձի վրա ընդհանուր նպատակներին հասնելու կարևորությունը: