Արդարադատության նախարար Սրբուհի Գալյանը Վարչապետ Նիկոլ Փաշինյանին է ներկայացրել բռնագանձված ակտիվների արդյունավետ կառավարման հարցերը։  Ներկայացման ընթացքում նախարարն անդրադարձել է՝

• ՀՀ-ում ակտիվների բռնագանձման գործող կառուցակարգերին,
• Հայաստանի միջազգային հանձնառություններին, այդ թվում՝ ՀՀ–ԵՄ վիզաների ազատականացման գործընթացին և ՀՀ–ԵՄ բազմաոլորտ բյուջետային աջակցությանը,
• միջազգային առաջատար փորձին,
• ակտիվների արդյունավետ ու թափանցիկ կառավարման առաջարկվող մոդելին:

Բարեփոխման արդյունքում կստեղծվի ակտիվների կառավարման մեկ միասնական համակարգ, կկատարելագործվեն ոլորտում հավատարմագրային կառավարման ու տուժողների փոխհատուցման ինստիտուտները, ինչպես նաև հանրային հաշվետվողականության մեխանիզմները: