Արդարադատության նախարար Սրբուհի Գալյանը լրատվամիջոցների ներկայացուցիչներին ներկայացրել է 2025 թվականի ընթացքում կատարված աշխատանքները և նախանշել 2026 թվականի առաջնահերթությունները։
Նախարարն անդրադարձել է՝

• Թվայնացման գործընթացներին, մասնավորապես Վարչական դատավարության էլեկտրոնային համակարգին։
• Թվայնացման արդյունքում էլեկտրոնային եղանակով ստացված գրանցումներին` ամուսնության 173, ծննդի 66:
• Հաշտարարության ինստիտուտի զարգացմանը:
• «Հանրության գերակա շահերի ապահովման նպատակով սեփականության օտարման մասին» օրենքի նախագծին։
• Դատավարության ժամկետների կարգավորման ուղղություններին, որոնք նախատեսում են գործերի քննության ողջամիտ ժամկետներ։
• Սնանկության նոր օրենսգրքին, որը հնարավորություն կտա բարելավել և զարգացնել ոլորտը։
• ԿԿՀ-ի կողմից տրամադրվող բարեվարքության վերաբերյալ եզրակացության եզրափակիչ մասի հրապարակայնությանը:
• Պարտապան ֆիզիկական անձին պատկանող միակ բնակարանի իրացման համար նվազագույն գումարի փոփոխմանը՝ 4 900 000 դրամի փոխարեն 7 800 000 դրամ։

2026 թվականի առաջնահերթությունների շարքում նախարարը նշել է՝

• Նոր Սահմանադրության տեքստի վերջնականացումը
• Պատժից պայմանական վաղաժամկետ ազատման ինստիտուտի կատարելագործումը
• Սնանկության էլեկտրոնային համակարգի թվայնացում
• Դատարանների բեռնաթափումը