Արդարադատության նախարարությունը միացել է WHO Council of Champions to End 
Violence Against Children նախաձեռնությանը՝ որպես համաշխարհային 
մակարդակով առաջին նախարարական խումբ, որի նպատակն է քաղաքական ազդեցության 
միջոցով երեխաների նկատմամբ բռնության կանխարգելումը դարձնել ազգային և 
միջազգային օրակարգերի առանցքային ուղղություն։

Նախաձեռնությունը մեկնարկել է ՄԱԿ ԱՀԿ-ի կողմից՝ նպատակ ունենալով 
ամրապնդել երեխաների պաշտպանության, առողջապահական, սոցիալական 
ապահովության, արդարադատության և տնտեսական քաղաքականությունների 
փոխկապակցված ու համակարգային մոտեցումը։

Նախաձեռնությունը հիմնված է այն համոզմունքի վրա, որ անվտանգ միջավայրում 
մեծացող երեխաները լինում են ավելի առողջ, սոցալապես ապահով և ավելի լավ 
կրթված՝ ձևավորելով արդար և համերաշխ հասարակություն։

Արդարադատության նախարարությունը, միանալով այս նախաձեռնությանը, ևս մեկ 
անգամ վերահաստատում է Հայաստանի հանձնառությունը՝ պաշտպանելու երեխաների 
իրավունքները և նպաստելու բռնությունից զերծ հասարակության ձևավորմանը՝ 
ներպետական և միջազգային համագործակցության շրջանակում։