Արդարադատության նախարարությունը մեկնարկում է «Իրավունքի ամառային դպրոց-2026» ծրագիրը:
Հայաստանում գործող բարձրագույն ուսումնական հաստատությունների իրավագիտության ֆակուլտետների 2-րդ և բարձր կուրսերի 30 ուսանողի հնարավորություն կընձեռվի ստանալու իրենց հետաքրքրող հարցերի պատասխանները, ծանոթանալու ոլորտի բարեփոխումներին և Արդարադատության նախարարության ու վերջինիս ենթակայությամբ գործող ծառայությունների, գործակալությունների և ՊՈԱԿ-ների աշխատանքներին։
«Իրավունքի ամառային դպրոց-2026» ծրագիրը կանցկացվի 2026 թվականի օգոստոսի 3-14-ը։ Հայտերն ընդունվում են մինչև հուլիսի 25-ը, ժամը 22։00-ն։

Ծրագրին մասնակցելու համար անհրաժեշտ է լրացնել ձևաթուղթը՝ https://forms.gle/dDpSiGqfeXr7Lfy1A։ 
Հայտերի ուսումնասիրության փուլն անցած մասնակիցները կհրավիրվեն հարցազրույցի։

«Իրավունքի ամառային դպրոց-2026» ծրագրի ավարտին մասնակիցներին կտրվեն հավաստագրեր։

Հարցերի դեպքում կարող եք գրել studentengagement@moj.am էլ․ հասցեին կամ զանգահարել 010593920 հեռախոսահամարին։