1,դիմում  որտեղ պետք է նշվեն՝

• դիմողի անունը, ազգանունը և հայրանունը (անձը հաստատող փաստաթղթում դրա առկայության դեպքում).
• այն լեզուն (լեզուները), որով (որոնցով) դիմողն իրականացնելու է թարգմանությունը.
• դիմողի բնակության վայրը, հեռախոսահամարը, ֆաքսի համարը կամ էլեկտրոնային փոստի հասցեն (դրանց առկայության դեպքում).
• դիմողի գործունեության վայրը, հեռախոսահամարը, ֆաքսի համարը կամ էլեկտրոնային փոստի հասցեն (դրանց առկայության դեպքում).

2. 2 գունավոր լուսանկար՝ 4x6 չափսի.

3. անձնագիր.

4. բարձրագույն կրթության և համապատասխան լեզվին տիրապետելու մասին վկայականների (դիպլոմներ) պատճենները.

5. պետական տուրքի վճարման անդորրագիր` 20000 ՀՀ դրամի չափով՝ մուծված Ֆինանսների նախարարության կենտրոնական գանձապետարանի 900005163630 հաշվին.

Քաղաքացին մրցույթին մասնակցելու համար փաստաթղթերը ներկայացնում է էլեկտրոնային եղանակով՝ (notarytranslator@moj.am) էլեկտրոնային փոստի հասցեին։ Փաստաթղթերը պետք է լինեն բնօրինակից գունավոր սքանավորված տեսքով՝ PDF ֆորմատով, 1 ամբողջական ֆայլով: Գունավոր լուսանկարներից մեկը կցվում է դիմումին, իսկ երկրորդը ներկայացվում է ստուգման օրը

• պետական հավատարմագրված հաստատությունից ձեռք բերված համապատասխան լեզվին տիրապետելու մասին տեղեկանքներ կամ վկայականներ,
• համապատասխան լեզվի դասընթացները ավարտելու մասին վկայականներ,
• տվյալ օտար լեզվով բարձրագույն կամ միջնակարգ կրթության մասին վկայական (դիպլոմ),
• լեզվի իմացությունը հաստատելու իրավասություն ունեցող կրթական հաստատության կամ կազմակերպության կողմից տրամադրված ցանկացած փաստաթուղթ:

Բարձրագույն կրթության և համապատասխան լեզվին տիրապետելու մասին վկայականները (դիպլոմներ) հայերեն կամ ռուսերեն լեզուներով չլինելու դեպքում  պետք է լինի թարգմանված՝ նոտարական վավերացմամբ:

Ստուգման անցկացման ժամի և տեղի մասին դիմողին պատշաճ ձևով տեղեկացվում է ստուգումից առնվազն 7 օր առաջ, դիմորդի կողմից ներկայացված էլեկտրոնային փոստի հասցեին: Հեռախոսազանգով, փոստային առաքմամբ, ֆաքսի միջոցով կամ որևէ այլ միջոցով ծանուցում նախատեսված չէ:

Ստուգումների արդյունքները գնահատվում են 20 միավոր համակարգով: Դրական են համարվում 17 և բարձր միավորները:

Որակավորման ստուգման հետ կապված տեղեկատվությունն ուղարկվելու է դիմորդներին՝ իրենց կողմից ներկայացված էլեկտրոնային փոստի հասցեներով, ինչպես նաև հրապարակվելու է արդարադատության նախարարության պաշտոնական կայքէջում: