Արդարադատության նախարար Սրբուհի Գալյանը մասնակցել է «Ռեստարտ» քաղաքացիական-երիտասարդական հիմնադրամի կազմակերպած ֆորումին, որի ընթացքում քննարկվել են հանրային և քաղաքական օրակարգին վերաբերող մի շարք հարցեր`

• դատական համակարգի բարեփոխումները, այդ թվում՝ գործերի քննության ողջամիտ ժամկետի ապահովման արդեն ներդրված մեխանիզմը,
• Սահմանադրական բարեփոխումների խորհրդի աշխատանքները,
• ապօրինի ծագում ունեցող գույքի բռնագանձման գործընթացը,
• քաղաքականության մեջ կանանց մասնակցության հիմնական խոչընդոտներն ու կանանց դերակատարության ընդլայնման կարևորությունը:

Ֆորումն անցել է ակտիվ հարցուպատասխանի ձևաչափով, որի ընթացքում երիտասարդները հնարավորություն են ունեցել իրենց հարցերն ուղղել նախարարին:
Նախարարը շնորհակալություն է հայտնել «Ռեստարտ» քաղաքացիական-երիտասարդական հիմնադրամին` նման ձևաչափով հանդիպում կազմակերպելու համար: